بە ڕاپۆرتی ئاژانسی هەواڵی مێهر، لە گفتوگۆی تەلەفۆنی حسێن ئەمیر عەبدوڵڵاهیان وەزیری دەرەوەی ئێران و جۆزێف بورل نوێنەری باڵای یەکێتی ئەورووپا بۆ کاروباری دەرەوە، لایەنەکان لەسەر بابەتی قەیرانی ئۆکراینا، پێوەندی ئێران و یەکێتی ئەورووپا، و هەروەها لابردنی گەمارۆکان گفتوگۆیان کرد.
ئەمیر عەبدوڵڵاهیان لە ئەو گفتوگۆیەدا گۆڕانکارییەکانی ئەم دواییە بۆ ئازاد کردنی سەرچاوە داراییەکانی ئێرانی ئەرێنی وەسف کرد و وتی کە لە ئەگەری ویستی جیدی لایەنەکانی بەرانبەر، گەڕانەوەی هەموو لایەنەکان بۆ ڕێککەوتن و بەڵێنەکانیان دوور لەچاوەڕوانی نییە.
ناوبراو وتیشی کە ئێران و ئاژانس لە ڕێگایەکی دروستدا خەریکی هاوکارین.
وەزیری دەرەوەی ئێران بە ڕەخنە لە ڕوانگەی ناسازێنەری یەکێتی ئەورووپا لە بەردەوام بوونی سیاسەتی ناکارامەی گەمارۆ وتی : گەمارۆ هەوڵێکی نادۆستانە لە پێوەندی ئێران و ئەورووپایە. ئەوە بزانن کە ئەو دۆخە لە قازانجی ئەورووپا نییە.
ئەمیر عەبدوڵڵاهیان راشیگەیاند کە کۆماری ئیسلامی لە بواری سیاسەتی دەرەوە لەگەڵ هیچ لایەنێک شەرمی نییە و هەر وەک ڕاشکاوانە ڕایدەگەیةێت کە لە فەلەستین پاڵپشتی دەکات هەر بە ئەو راشکاویە ڕایدەگەیێنێت کە ڕێکاری ئۆکراینا سیاسییە و تۆمەتی بەکارهێنانی درۆنی ئێران بەتواوەتی بێ بنەمایە و هیچ بەڵگەیەک لە ئەو بارەوە نییە.
بورلیش بە جەخت لەسەر گرینگایەتی هاوکاری ئێران و ئاژانسی وزەی ئەتۆمی زیادی کرد: پێم خۆشە جەخت بکەم من هەموو هەوڵی خۆم بۆ بەردەوام بوونی گفتوگۆکان و لە کۆتاییدا گەڕانەوەی هەموو لایەنەکان بۆ ڕێککەوتنی ناڤۆکی دەخەمە گەڕ و گەشبینم بە ئەنجامی کار.
Your Comment